1. 「陪你放暑假」

"暑假流流長，安排啲咩俾小朋友玩好?"

如果家長你都有呢個煩惱， 「陪你放暑假」可以幫到你!  
連續兩個星期一至五，集「好玩」、「學習」於一身，仲要免費添~ 

2. 和諧粉彩家長減壓小組（活動編號：TSA25-7-9/01）
在這段暑假期間 照顧小朋友而忘記了照顧自己？ 參加和諧粉彩家長減壓小組幫到你！

我們在畫畫在舒壓外，過程都可以分享大家的日常生活，來一起感受手指掃粉彩在紙上的觸覺，一起期待會有怎樣的製成品。

 

3. 情緒火山拯救隊（活動編號：TSA25-7-9/02）
你的小朋友有沒有以下表現?  
- 收手機時，會大發脾氣
- 憤怒時，會出現對抗行為
- 發脾氣很久才能冷靜  
當小朋友十分憤怒時，真的會好像火山爆發一樣，很多熔岩不斷爆出來，傷害了家人、朋友和自己 ，不如讓小朋友學習一下有甚麼方法可以處理自己的「情緒火山」，  
小組揉合繪本及boardgame，讓小朋友認識情緒及處理憤怒情緒的方法 。

4.「愛.同行」家庭性教育急救指南​（活動編號：TSA25-7-9/03）
作為家長的你，是否有以下疑問？

- 如何開口與子女談及性這個話題？

- 如何與子女共渡青春期的變化?

- 如何向子女灌輸正確的戀愛價值觀?  

- 如何與子女辦識網絡安全「性」隱患?  

如果有，誠邀你參與 「愛．同行 」家庭性教育急救指南 了解更多。 

 

5. 寶貝回家了（活動編號：TSA25-7-9/04）
已經有一段時間冇一齊住，期待一齊生活既日子，唔知搞唔搞得掂?

如果呀仔唔鍾意，我想讓佢知道我既難處，但佢又唔明，可以點樣做?

重聚的時刻往往伴隨著新的挑戰，讓我們一起學習如何在家庭中建立更強的連結，讓孩子的回家之旅充滿愛與理解！

6. 傷心轉換器（活動編號：TSA25-7-9/05）

係學校俾人笑，又唔敢同屋企講，點算好?

父母鬧交，我唔知點算好?  

在孩子面對傷心的情緒時，言語未必能充分表達他們的感受。

讓我們創造了一個安全的空間，幫助他們以藝術和活動的方式釋放情感，轉換傷心為力量！

7. 家長學堂系列：輕輕鬆鬆同學會（活動編號：TSA25-7-9/06）
次次同阿仔溫書都一肚氣!
阿女啲功課越來越難，我又唔識，點幫到佢?
我同小朋友已經好攰嘞!! 但功課又未做晒，應該瞓定頂硬上?
沒有一位家長是天生的育兒專家，但我們可以慢慢一齊學，與孩子在學習的路上一同進步！

 

8. 眼淚魔法瓶（活動編號 TSA25-7-9/07）
面對好多負面經歷，大家都無能為力，唔想同人講，點算好?
日日忙到好似打仗咁，仲邊有時間講感受？  
傷心的事情總是非常難開口，大家一起來製作獨一無二的眼淚，釋放情感，彼此更了解！ 

9.愛的不同表達（活動編號：TSA25-7-9/08）
在生活中，愛的表達方式多種多樣，但我們是否真正了解彼此的感受呢？

讓子女學習如何用五種愛的語言來表達愛，讓「我愛你」變得更有份量！

10. 心之語-愛的美食（活動編號：TSA25-7-9/09）
平時小朋友有沒有送禮物？一份「真心的禮物」又如何準備？  

民以食為天！一份美味的小食、用心製作的包裝，滿滿的心意帶回家與家人分享！

11. 六色積木冒險家（活動編號：TSA25-7-9/10）

「遊戲中學習」(learning through play) 的工具 ，透過不同遊戲，有助訓練小朋友專注力 、解難能力 、溝通能力 、社交技巧 ，心動不如行動，快啲報名啦！ 

12. 家長上學預備班（活動編號：TSA25-7-9/11）

終於等到仔女返學，以為係鬆一口氣，點知比小朋友嘅各種適應問題搞到頭都大哂？

發脾氣、焦慮不安、唔願返學、倒退行為（喊唔停、好似BB咁常痴實家長）、病過不停，以上都是孩子剛上學會出現的情況！
想知如何處理孩子的不適應和了解兒童之間常見傳染病，就快點參加「家長上學預備班」，預早為孩子做好身心預備，讓孩子更快投入校園生活！  
*本小組設有託管服務，由合資格幼師提供託管服務，以繪本、藝術及遊戲等手法，讓孩子在託管中，做準備上幼兒園。

13. 星之花親子製作工作坊​（活動編號：TSA25-7-9/12）

暑假即將完結，家人對於家人有甚麼希望或鼓勵的說話未曾講? 星星象徵希望，透過星之花親子製作工作坊，和小朋友一起選擇不同顏色製作出獨一無二，屬於家的一顆星。 在星星中央貼上或寫上你最希望的字句，期待成真，照亮這個家。 

14. 月兔迎月: 中秋月餅X中秋燈籠 （活動編號: TSA25-7-9/13, TSA25-7-9/14）

中秋親子活動！ 在這個團圓的節日裡，我們特別策劃了一場親子月餅與燈籠製作活動，讓您和家人一起感受中秋的溫馨與快樂。  

15. 親子 WE TIME 活動-親子共讀體驗工作坊（活動編號：TSA25-7-9/15）
 親子WE TIME?? 唔一定要跑跑跳跳㗎~ 靜態嘅活動都可以好正！
誠意向你同小朋友參加「親子共讀體驗工作坊」！
在專業繪本導師的帶領下 輕鬆享受閱讀，增進親子關係！

16.CHIIKAWA 黏士親子工作坊（活動編號：TSA25-7-9/16）
嗚～ 嗚啦啦～ 嗚啦～
每隻小可愛都勁Cute cute，仲具備大人細路都好值得學習嘅嘅優點同特質，簡直係人見人愛、車見車載！真係好想將佢哋帶返屋企收藏啊！
呢個工作坊入邊，就可以實現呢個夢想! 家長同孩子將會製作出屬於佢哋自己嘅黏土小可愛，一齊分享藝術和親子時光的快樂！

17. 小歷奇．大發現（活動編號：TSA25-7-9/17）​
玩遊戲可以學到啲乜?
好多㗎! 包括：解難能力、人際溝通技巧、 團體合作精神、呢啲都係書本未必教到嘅野~ 

18. 情緒調節小法寶（活動編號：TSA25-7-9/19）
好嬲！好嬲！好嬲嬲嬲嬲啊！
面對憤怒，我地要識得宣洩，我地試下用整野食去發洩憤怒！  
誠邀你參與情緒調節小法寶，製作專屬自己的「情緒調節小法寶」。 

19. 心之話秘密蠟燭親子工作坊（活動編號：TSA25-7-9/20）
有無試過有野講唔出口？想講又唔好意思？ 唔緊要！！呢個會「講野」嘅蠟燭「唔洗開口講」都可以幫你表達到！

20. 劇本殺：網友之謎真相大揭秘（活動編號：TSA25-7-9/21）
你有冇興趣查探事實真相？
你有冇信心破解謎團？  
我哋需要你，立即加入我哋，成為我哋一員，一齊破解謎團！  

21. 親子探索合味道館（活動編號 : TSA25 -7- 9/22）
有無試過食自己整嘅合味道杯麵呢？
如果未就要參加呢個活動，製作屬於你地嘅「甜蜜味道」— 穀物麥片同獨一無二的嘅杯麵
*活動有旅遊巴前往合味道紀念館 

 

22. 和諧粉彩學生舒壓小組（活動编號：TSA25-7-9/23）
學業壓力大，但不知道如何舒壓？來參加和諧粉彩學生舒壓小組啦~
畫畫除了可以有舒壓，學生都能夠發揮他們的想像力去完成畫作。
創造力量同幻想，會嚇你一跳~ 來和我們一起用粉彩創造吧~ 

23. 情緒小組：學習篇（一）​(活動編號：TSA25-7-9/24)
做功課真係好大壓力，唔識做又俾人鬧
父母好大壓力，小朋友教極都唔聽  
透過一起與學童研習功課，學習情緒調節，無論功課再難都好都可以學懂用穩定情緒面對

24. 情緒小組： 學習篇（二）（活動編號：TSA25-7-9/25）
功課又多又唔識，我唔想做呀…
父母成日迫我做功課，我好大壓力！
以上或許是你小朋友的心聲？ 社工很明白大家的難處，為大家準備了【情緒小組：學習篇】
透過一起與學童研習功課，學習情緒調節，無論功課再難都好都可以學懂用穩定情緒面對。